مال-مۈلۈكنى قانۇن يۈرگۈزۈش مەجبۇرلاش تەدبىرىنى كەچۈرۈم قىلىش قانۇنى

( 2005-يىل 10-ئاينىڭ 25-كۈنى 10-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 18-يىغىنىدا ماقۇللاندى )

1-ماددا جۇڭخۇا خەلق جۇمھۇرىيىتى چەت ئەل مەركىزىي بانكىلىرىنىڭ مال-مۈلكىنى ئامان ساقلاش ۋە ئىجرا قىلىشقا دائىر قانۇن يۈرگۈزۈش مەجبۇرلاش تەدبىرىنى كەچۈرۈم قىلغان بولسا؛
لېكىن، چەت ئەل مەركىزىي بانكىلىرى ياكى ئۇلارغا قاراشلىق دۆلەتلەرنىڭ ھۆكۈمەتلىرى كەچۈرۈم قىلىشتىن يازما ۋاز كەچكەن ياكى مال-مۈلۈكنى ئامان ساقلاش ۋە ئىجرا قىلىشقا ئىشلىتىشنى بەلگىلىگەن مال-مۈلۈكلىرى بۇنىڭ سىرتىدا.

2-ماددا بۇ قانۇندا ئېيتىلغان چەت ئەل مەركىزىي بانكىسى چەت ئەلنىڭ ۋە رايون ئىقتىسادى بىر گەۋدىلەشكەن تەشكىلاتنىڭ مەركىزىي بانكىسىنى ياكى مەركىزىي بانكىنىڭ فۇنكسىيەسىنى ئادا قىلىدىغان پۇل مۇئامىلە باشقۇرۇش ئاپپاراتىنى كۆرسىتىدۇ.

بۇ قانۇندا ئېيتىلغان چەت ئەل مەركىزىي بانكىسىنىڭ مال-مۈلكى چەت ئەل مەركىزىي بانكىلىرىنىڭ نەق پۇل، چەك، بانكا ئامانەت پۇلى، باھالىق ئاكسىيە، تاشقى پېرېۋوت زاپىسى، ئالتۇن زاپىسى شۇنىڭدەك شۇ بانكىنىڭ كۆچمەس مۈلكى ۋە باشقا مال-مۈلكىنى كۆرسىتىدۇ.

3-ماددا چەت ئەللەر جۇڭخۇا خەلق جۇمھۇرىيىتىنىڭ مەركىزىي بانكىسى ياكى جۇڭخۇا خەلق جۇمھۇرىيىتىنىڭ ئالاھىدە مەمۇرىي رايونىدىكى پۇل مۇئامىلە باشقۇرۇش ئاپپاراتىنىڭ مال-مۈلكىنى كەچۈرۈم قىلمىسا ياكى بەرگەن كەچۈرۈم مۇشۇ قانۇندىكى بەلگىلىمىدىن تۆۋەن بولسا، جۇڭخۇا خەلق جۇمھۇرىيىتى باراۋەر پىرىنسىپقا ئاساسەن بېجىرىدۇ.

4-ماددا بۇ قانۇن ئېلان قىلىنغان كۈندىن باشلاپ يولغا قويۇلىدۇ.