( 2002-يىل 8-ئاينىڭ 2-كۈنى جۇڭخۇا خەلق جۇمھۇرىيىتى گوۋۇيۈەننىڭ 359-نومۇرلۇق پەرمانى بىلەن ئېلان قىلىندى، 2011-يىل 1-ئاينىڭ 8-كۈنى «گوۋۇيۈەننىڭ بىر قىسىم مەمۇرىي نىزاملارنى بىكار قىلىش ۋە ئۇنىڭغا تۈزىتىش كىرگۈزۈش توغرىسىدىكى قارارى»غا ئاساسەن 1-قېتىم تۈزىتىش كىرگۈزۈلدى، 2013-يىل 1 – ئاينىڭ 30-كۈنى «گوۋۇيۈەن < جۇڭخۇا خەلق جۇمھۇرىيىتىنىڭ ئەسەر ھوقۇقى قانۇنىنى يولغا قويۇش نىزامى > غا تۈزىتىش كىرگۈزۈش توغرىسىدىكى قارار»غا ئاساسەن 2-قېتىم تۈزىتىش كىرگۈزدى )

بۇ نىزام «جۇڭخۇا خەلق جۇمھۇرىيىتىنىڭ ئەسەر ھوقۇقى قانۇنى»( تۆۋەندە قىسقارتىلىپ ئەسەر ھوقۇقى قانۇنى دېيىلىدۇ ) غا ئاساسەن چىقىرىلدى.

2-ماددا ئەسەر ھوقۇقى قانۇنىدا ئېيتىلغان ئەسەر ئەدەبىيات، سەنئەت ۋە ئىلىم-پەن ساھەسى ئىچىدە ئىجادىي خاراكتېرگە ئىگە بولغان ھەمدە مەلۇم خىل شەكىللىك شەكىلدە كۆپەيتكىلى بولىدىغان ئەقلىي مۇۋەپپەقىيەتنى كۆرسىتىدۇ.

3-ماددا ئەسەر ھوقۇقى قانۇنىدا ئېيتىلغان ئىجادىيەت ئەدەبىيات-سەنئەت ۋە پەن-تېخنىكا ئەسەرلىرىنى بىۋاسىتە ۋۇجۇدقا كەلتۈرىدىغان ئەقلىي پائالىيەتنى كۆرسىتىدۇ.

باشقىلارنىڭ ئىجادىيىتىگە تەشكىللەش خىزمىتى ئىشلەش، مەسلىھەت بېرىش پىكرى، ماددىي شارائىت يارىتىپ بېرىش ياكى باشقا قوشۇمچە خىزمەت ئىشلەش ئىجادىيەت دەپ قارالمايدۇ.

4-ماددا ئەسەر ھوقۇقى قانۇنى ۋە مۇشۇ نىزامدىكى تۆۋەندىكى ئەسەرلەرنىڭ مەنىسى :

( 1 ) يازما ئەسەرلەر ھېكايە، شېئىر، نەسر، ئىلمىي ماقالە قاتارلىق يېزىق شەكلىدە ئىپادىلەنگەن ئەسەرلەرنى كۆرسىتىدۇ؛

( 2 ) ئاغزاكى بايان ئەسىرى ئىلھامى كەلگەن نۇتۇق، دەرس ئۆتۈش، سوت مۇنازىرىسى قاتارلىق ئاغزاكى تىل شەكلىدە ئىپادىلەنگەن ئەسەرلەرنى كۆرسىتىدۇ؛

( 3 ) مۇزىكا ئەسەرلىرى ناخشا، سىمفونىيە قاتارلىق ئېيتالايدىغان ياكى ئورۇنلىيالايدىغان تېكىستى بار ياكى سۆزى يوق ئەسەرلەرنى كۆرسىتىدۇ؛

( 4 ) تىياتىر ئەسەرلىرى دىراما، ئوپېرا، يەرلىك تىياتىر قاتارلىق سەھنىدە قويۇلىدىغان ئەسەرلەرنى كۆرسىتىدۇ؛

( 5 ) ئەلنەغمە ئەسەرلىرى شياڭشېڭ، كۇەيشۇ، چوڭ دۇمباق، رىۋايەت سۆزلەش قاتارلىق نەزمە-نەسر ئاساسىي شەكىلدە ئورۇنلىنىدىغان ئەسەرلەرنى كۆرسىتىدۇ؛

( 6 ) ئۇسسۇل ئەسىرى ئۈزلۈكسىز ھەرىكەت، قىياپەت، چىراي ئىپادىسى قاتارلىقلار ئارقىلىق ئىدىيەۋى ھېسسىياتنى ئىپادىلەيدىغان ئەسەرنى كۆرسىتىدۇ؛

( 7 ) سېرك سەنئىتى ئەسەرلىرى سېرك، سېھىرگەرلىك، ئات ئويۇنى قاتارلىق بەدەن ھەرىكىتى ۋە ماھارىتى ئارقىلىق ئىپادىلىنىدىغان ئەسەرلەرنى كۆرسىتىدۇ؛

( 8 ) گۈزەل سەنئەت ئەسەرلىرى رەسىم، خەتتاتلىق، ھەيكەلتىراشلىق قاتارلىق سىزىق، رەڭ ياكى باشقا ئۇسۇللاردىن تەركىب تاپقان ئېستېتىك ئەھمىيەتكە ئىگە تەكشىلىك ياكى ئىستېرېئولۇق ئوبراز يارىتىش سەنئەت ئەسەرلىرىنى كۆرسىتىدۇ؛

( 9 ) بىناكارلىق ئەسەرلىرى ئىمارەت ياكى قۇرۇلما شەكلىدە ئىپادىلەنگەن ئېستېتىك ئەھمىيەتكە ئىگە ئەسەرنى كۆرسىتىدۇ؛

( 10 ) فوتو سۈرەت ئەسەرلىرى ئۈسكۈنىدىن پايدىلىنىپ نۇر سەزگۈچى ماتېرىيال ياكى باشقا ۋاسىتىلەردە ئوبيېكتىپ جىسىملارنىڭ ئوبرازىنى خاتىرىلەيدىغان بەدىئىي ئەسەرنى كۆرسىتىدۇ؛

( 11 ) كىنو ئەسەرلىرى ۋە كىنو سۈرەتكە ئېلىشقا ئوخشاپ كېتىدىغان ئۇسۇلدا ئىجاد قىلىنغان ئەسەرلەر مەلۇم مۇھىتتا سۈرەتكە ئېلىنغان، بىر قاتار تەڭكەش ئاۋازلىق ياكى تەڭكەش ئاۋازسىز كۆرۈنۈشلەردىن تەركىب تاپقان ھەمدە مۇۋاپىق ئۇسۇلدا قويۇلغان ياكى باشقا ئۇسۇللار بىلەن تارقىتىلغان ئەسەرلەرنى كۆرسىتىدۇ؛

( 12 ) رەسىملىك ئەسەرلەر قۇرۇلۇش قىلىش، ئىشلەپچىقىرىش ئۈچۈن سىزىلغان قۇرۇلۇش لايىھەسى، مەھسۇلات لايىھەسى خەرىتىسى، شۇنىڭدەك جۇغراپىيەلىك ھادىسىنى ئەكس ئەتتۈرىدىغان، شەيئىلەرنىڭ پىرىنسىپى ياكى قۇرۇلمىسىنى چۈشەندۈرىدىغان خەرىتە، كۆرسەتمە خەرىتە قاتارلىق ئەسەرلەرنى كۆرسىتىدۇ؛

( 13 ) مودېل ئەسەر كۆرگەزمە قىلىش، سىناق قىلىش ياكى كۆزىتىش قاتارلىقلارنىڭ ئىشلىتىلىش ئورنىغا ئاساسەن، جىسىمنىڭ شەكلى ۋە قۇرۇلمىسىغا ئاساسەن، مەلۇم نىسبەتتە ياسالغان ئىستېرېئولۇق ئەسەرنى كۆرسىتىدۇ.

5-ماددا ئەسەر ھوقۇقى قانۇنى ۋە مۇشۇ نىزامدىكى تۆۋەندىكى سۆزلەرنىڭ مەنىسى :

( 1 ) ئېقىم مەسىلىلىرى خەۋەرلىرى گېزىت، قەرەللىك ژۇرنال، رادىيو ئىستانسىسى، تېلېۋىزىيە ئىستانسىسى قاتارلىق تاراتقۇلار ئارقىلىق خەۋەر قىلىنىدىغان ئاددىي پاكىت خەۋەرلىرىنى كۆرسىتىدۇ؛

( 2 ) ئۈن-سىن بۇيۇملىرى ئويۇن قويغان ھەرقانداق ئاۋاز ۋە باشقا ئاۋازلارنى سىنغا ئالغان بۇيۇملارنى كۆرسىتىدۇ؛

( 3 ) ئۈن-سىن بۇيۇملىرى كىنو ئەسەرلىرى ۋە كىنو سۈرەتكە ئېلىشقا ئوخشاپ كېتىدىغان ئۇسۇلدا ئىجاد قىلىنغان ئەسەرلەردىن باشقا ھەرقانداق تەڭكەش ئاۋاز ياكى تەڭكەش ئاۋاز بولمىغان ئۇدا مۇناسىۋەتلىك ئوبراز، سۈرەتلەردىن ئېلىنغان بۇيۇملارنى كۆرسىتىدۇ؛

( 4 ) ئۈن-سىن ئىشلىگۈچى ئۈن-سىن بۇيۇمىنى تۇنجى قېتىم ئىشلىگۈچىنى كۆرسىتىدۇ؛

( 5 ) سىن ئىشلىگۈچى سىن بۇيۇملىرىنى تۇنجى قېتىم ئىشلىگۈچىنى كۆرسىتىدۇ؛

( 6 ) ئورۇنلىغۇچى ئارتىس، ئويۇن قويغۇچى ئورۇن ياكى باشقا ئويۇن قويغۇچى ئەدەبىيات-سەنئەت ئەسىرى ئورۇنلىغۇچىنى كۆرسىتىدۇ.

6-ماددا ئەسەر ھوقۇقى ئەسەر ئىجادىيىتى تاماملانغان كۈندىن باشلاپ ۋۇجۇدقا كېلىدۇ.

7-ماددا ئەسەر ھوقۇقى قانۇنىنىڭ 2-ماددىسىنىڭ 3-تارمىقىدا بەلگىلەنگەن، ئالدى بىلەن جۇڭگو چېگراسى ئىچىدە نەشر قىلىنىدىغان چەت ئەللىكلەر، دۆلەت تەۋەلىكى يوقلارنىڭ ئەسەرلىرىنىڭ ئەسەر ھوقۇقى ئۆزىنى مەلۇم قىلىپ نەشر قىلىنغان كۈندىن باشلاپ قوغدىلىدۇ.

8-ماددا چەت ئەللىكلەر، دۆلەت تەۋەلىكى يوقلارنىڭ ئەسەرلىرى جۇڭگو چېگراسى سىرتىدا ئاۋۋال نەشر قىلىنغاندىن كېيىن، 30 كۈن ئىچىدە جۇڭگو چېگراسى ئىچىدە نەشر قىلىنسا، شۇ ئەسەر بىرلا ۋاقىتتا جۇڭگو چېگراسى ئىچىدىمۇ نەشر قىلىنىدۇ، دەپ قارىلىدۇ.

9-ماددا ھەمكارلاشقان ئەسەرنى بۆلۈپ ئىشلەتكىلى بولمىسا، ئۇنىڭ ئەسەر ھوقۇقىدىن ھەرقايسى ھەمكارلاشقان ئاپتورلار ئورتاق بەھرىمەن بولىدۇ، كېڭىشىپ بىرلىككە كېلىش ئارقىلىق يۈرگۈزىدۇ؛
كېڭىشىپ بىرلىككە كەلگىلى بولمىسا ھەم يولسىز سەۋەبلەر بولسا، ھەرقانداق بىر تەرەپ ئۇنىڭ ئۆتۈنۈپ بېرىشتىن باشقا ھوقۇقلارنى يۈرگۈزۈشىنى توسسا بولمايدۇ، لېكىن ئېرىشكەن پايدىنى بارلىق ھەمكارلاشقۇچىلارغا مۇۋاپىق تەقسىملەپ بېرىش كېرەك.

10-ماددا ئەسەر ھوقۇقى ئىگىسى باشقىلارنىڭ ئۆز ئەسىرىنى كىنو ئەسىرى قىلىپ ئىشلىشىگە ۋە كىنوغا ئوخشاش ئۇسۇلدا ئىجاد قىلغان ئەسەرلىرىگە ئىجازەت بەرسە، ئۆز ئەسىرىنى زۆرۈر ئۆزگەرتىشكە قوشۇلدى، دەپ قارىلىدۇ، لېكىن بۇنداق ئۆزگەرتىشتە ئەسلىي ئەسەرنى بۇرمىلاشقا، ئۆزگەرتىشكە بولمايدۇ.

11-ماددا ئەسەر ھوقۇقى قانۇنىنىڭ 16-ماددىسىنىڭ 1-تارمىقىدىكى ۋەزىپىگە مۇناسىۋەتلىك ئەسەر توغرىسىدىكى بەلگىلىمىدىكى «خىزمەت ۋەزىپىسى»پۇقرالارنىڭ شۇ قانۇنىي ئىگە ياكى شۇ تەشكىلاتتا ئادا قىلىشقا تېگىشلىك مەسئۇلىيىتىنى كۆرسىتىدۇ.

ئەسەر ھوقۇقى قانۇنىنىڭ 16-ماددىسىنىڭ 2-تارمىقىدىكى ۋەزىپىگە مۇناسىۋەتلىك ئەسەر توغرىسىدىكى بەلگىلىمىدىكى «ماددىي تېخنىكا شەرتى»شۇ قانۇنىي ئىگە ياكى شۇ تەشكىلات پۇقرالارنىڭ ئىجادىيەتنى تاماملىشى ئۈچۈن مەخسۇس تەمىنلەيدىغان مەبلەغ، ئۈسكۈنە ياكى ماتېرىيالنى كۆرسىتىدۇ.

12-ماددا ۋەزىپىگە مۇناسىۋەتلىك ئەسەر ئورۇندالغان ئىككى يىل ئىچىدە، ئاپتور 3-كىشىنىڭ ئەسەرنى ئىدارىسى ئىشلەتكەن ئوخشاش ئۇسۇلدا ئىشلىتىشىگە ئىجازەت بېرىپ ئېرىشكەن ئىش ھەققىنى ئاپتور بىلەن ئورۇن پۈتۈشكەن نىسبەت بويىچە تەقسىم قىلىدۇ.

ئەسەرنىڭ ئورۇندىلىش مۇددىتى ئاپتور ئەسەرنى ئىدارىگە تاپشۇرغان كۈندىن باشلاپ ھېسابلىنىدۇ.

13-ماددا ئاپتورنىڭ سالاھىيىتى ئېنىق بولمىغان ئەسەرلەرگە ئەسەرنىڭ ئەسلىي نۇسخىسىنىڭ ئىگىدارى ئىمزا قويۇش ھوقۇقىدىن باشقا ئەسەر ھوقۇقىنى يۈرگۈزىدۇ.
ئاپتورنىڭ سالاھىيىتى بېكىتىلگەندىن كېيىن ئەسەر ھوقۇقىنى ئاپتور ياكى ئۇنىڭ ۋارىسى يۈرگۈزىدۇ.

14-ماددا ھەمكارلاشقۇچىلارنىڭ بىرى ئۆلگەندىن كېيىن، ئۇنىڭ ھەمكارلاشقۇچى ئەسەرگە ئىگە ئەسەر ھوقۇقى قانۇنىنىڭ 10-ماددىسىنىڭ 1-تارمىقىنىڭ ( 5 ) تارماقچىسىدىن 17-تارماقچىسىغىچە بولغان تارماقچىلىرىدا بەلگىلەنگەن ھوقۇقىغا ۋارىسلىق قىلىدىغان ئادەم چىقمىسا ھەم ھەدىيەنى قوبۇل قىلىدىغان ئادەم بولمىسا، باشقا ھەمكارلاشقۇچىلار بەھرىمەن بولىدۇ.

15-ماددا ئاپتور ئۆلگەندىن كېيىن، ئۇنىڭ ئەسەر ھوقۇقىدىكى ئىمزا قويۇش ھوقۇقى، تۈزىتىش ھوقۇقى ۋە ئەسەرنىڭ پۈتۈنلۈكىنى قوغداش ھوقۇقىنى ئاپتورنىڭ ۋارىسى ياكى ھەدىيە قوبۇل قىلغۇچى قوغدايدۇ.

ئەسەر ھوقۇقىغا ۋارىسلىق قىلىدىغان ھەم ھەدىيەنى قوبۇل قىلىدىغان ئادەم بولمىسا، ئۇنىڭ ئىمزا قويۇش ھوقۇقى، تۈزىتىش ھوقۇقى ۋە ئەسەرنىڭ پۈتۈنلۈكىنى قوغداش ھوقۇقىنى ئەسەر ھوقۇقىنى مەمۇرىي باشقۇرۇش تارمىقى قوغدايدۇ.

16-ماددا دۆلەتنىڭ ئاپتورلۇق ھوقۇقىغا ئىگە ئەسەرلەرنى ئىشلىتىشنى گوۋۇيۈەننىڭ ئاپتورلۇق ھوقۇقىنى مەمۇرىي باشقۇرۇش تارمىقى باشقۇرىدۇ.

17-ماددا ئاپتور ھايات ۋاقتىدا ئېلان قىلمىغان ئەسەرلەرنى ئاپتور ئېنىق ئىپادە بىلدۈرمىسە، ئاپتور ئۆلگەندىن كېيىنكى 50 يىل ئىچىدە ئېلان قىلىش ھوقۇقىنى ۋارىس ياكى ۋەسىيەتلىك ھەدىيە قوبۇل قىلغۇچى يۈرگۈزسە بولىدۇ؛
ۋارىس بولمىسا ھەمدە ھەدىيەنى قوبۇل قىلىدىغان ئادەممۇ بولمىسا، ئەسەرنىڭ ئەسلىي نۇسخىسىدىكى ئىگىدار يۈرگۈزىدۇ.

18-ماددا ئاپتورنىڭ سالاھىيىتى ئېنىق بولمىغان ئەسەرلەرنىڭ ئەسەر ھوقۇقى قانۇنى ئۇنىڭ 10-ماددىسىنىڭ 1-تارمىقىنىڭ ( 5 ) تارماقچىسىدىن 17-تارماقچىسىغىچە بولغان تارماقچىلىرىدا بەلگىلەنگەن ھوقۇقىنى قوغداش مۇددىتى ئەسەر تۇنجى قېتىم ئېلان قىلىنغاندىن كېيىنكى 50-يىلى 12-ئاينىڭ 31-كۈنىگىچە بولىدۇ.
ئاپتورنىڭ سالاھىيىتى بېكىتىلگەندىن كېيىن، ئەسەر ھوقۇقى قانۇنىنىڭ 21-ماددىسىدىكى بەلگىلىمە تەتبىقلىنىدۇ.

19-ماددا باشقىلارنىڭ ئەسىرىنى ئىشلەتكەندە، ئاپتورنىڭ ئىسىم-فامىلىسى، ئەسىرىنىڭ نامىنى ئېنىق كۆرسىتىپ بېرىش كېرەك؛
لېكىن، توختاملاشقۇچىلار ئايرىم پۈتۈشكەنلىرى ياكى ئەسەر ئىشلىتىش ئۇسۇلىنىڭ ئالاھىدىلىكىنى ئېنىق كۆرسىتىپ بېرەلمىگەنلىرى بۇنىڭ سىرتىدا.

20-ماددا ئەسەر ھوقۇقى قانۇنىدا ئېيتىلغان ئېلان قىلىنغان ئەسەر ئاپتور ئۆزى ئېلان قىلغان ياكى باشقىلارنىڭ ئېلان قىلىشىغا ئىجازەت بەرگەن ئەسەرنى كۆرسىتىدۇ.

21-ماددا ئەسەر ھوقۇقى قانۇنىدىكى ئالاقىدار بەلگىلىمىلەر بويىچە، ئەسەر ھوقۇقى ئىگىسىنىڭ رۇخسىتىسىز ئېلان قىلىنغان ئەسەرنى ئىشلىتىشكە بولىدىغان ئەسەر شۇ ئەسەرنىڭ نورمال ئىشلىتىلىشىگە تەسىر يەتسە بولمايدۇ، ئەسەر ھوقۇقى ئالغۇچىنىڭ قانۇنلۇق مەنپەئىتىگىمۇ مۇۋاپىق زىيان يەتكۈزسە بولمايدۇ.

22-ماددا ئەسەر ھوقۇقى قانۇنىنىڭ 23-، 33-ماددىسىنىڭ 2-تارمىقى، 40-ماددىسىنىڭ 3-تارمىقىدىكى بەلگىلىمە بويىچە، ئەسەرگە ھەق بېرىش ئۆلچىمىنى گوۋۇيۈەننىڭ ئەسەر ھوقۇقىنى مەمۇرىي باشقۇرۇش تارمىقى گوۋۇيۈەننىڭ باھا مەسئۇل تارمىقى بىلەن بىرلىكتە تۈزىدۇ، ئېلان قىلىدۇ.

23-ماددا باشقىلارنىڭ ئەسىرىنى ئىشلىتىشتە ئەسەر ھوقۇقدارى بىلەن ئىجازەتلىك ئىشلىتىش توختامى تۈزۈش كېرەك، ئىشلىتىشكە ئىجازەت بېرىش ھوقۇقى خاس ئىشلىتىش ھوقۇقى بولسا، يازما شەكىل قوللىنىش كېرەك، لېكىن گېزىتخانا، ژۇرنال ئاگېنتلىقى ئېلان قىلغان ئەسەرلەر بۇنىڭ سىرتىدا.

24-ماددا ئەسەر ھوقۇقى قانۇنىنىڭ 24-ماددىسىدا بەلگىلەنگەن خاس ئىشلىتىش ھوقۇقىنىڭ مەزمۇنىنى توختامدا پۈتۈشكەن، توختامدا پۈتۈشمىگەن ياكى ئېنىق بەلگىلەنگەن بولسا، ئىجازەت بېرىلگۈچى ئەسەر ئىگىسىنى ئۆز ئىچىگە ئالغان ھەرقانداق كىشىنىڭ ئەسەرنى ئوخشاش ئۇسۇلدا ئىشلىتىشىنى نەزەردىن ساقىت قىلىشقا ھوقۇقلۇق، دەپ قارىلىدۇ؛
ئىجازەت بېرىلگۈچى 3-كىشىنىڭ بىر ھوقۇقنى يۈرگۈزۈشىگە ئىجازەت بەرگەن، ئەسەر ھوقۇقى ئىگىسىنىڭ ئىجازىتىنى ئېلىشى شەرت، توختامدا ئايرىم پۈتۈشكەنلىرى بۇنىڭ سىرتىدا.

25-ماددا ئاپتورلۇق كىشى بىلەن خاس ئىجازەتلىك ئىشلىتىش توختامى، ئۆتۈنۈپ بېرىش توختامى تۈزۈشتە، ئاپتورلۇق ھوقۇقىنى مەمۇرىي باشقۇرۇش تارمىقىغا ئەنگە ئالدۇرسا بولىدۇ.

26-ماددا ئەسەر ھوقۇقى قانۇنى ۋە مۇشۇ نىزامدا ئېيتىلغان ئەسەر ھوقۇقىغا مۇناسىۋەتلىك ھوقۇق-مەنپەئەت نەشر قىلغۇچىنىڭ ئۆزى نەشر قىلغان كىتاب ۋە ژۇرنالنىڭ نەشر شەكلىنى لايىھەلەش ھوقۇقىنى، ئورۇنلىغۇچىنىڭ ئويۇن قويۇش ھوقۇقىنى، ئۈن-سىن ئىشلىگۈچىنىڭ ئۆزى ئىشلىگەن ئۈن-سىن بۇيۇملىرىدا بولۇش ھوقۇقىنى كۆرسىتىدۇ،
رادىيو ئىستانسىسى، تېلېۋىزىيە ئىستانسىسى ئۆزى قويغان رادىيو، تېلېۋىزىيە پىروگراممىلىرىدىن بەھرىمەن بولۇش ھوقۇقىغا ئىگە.

27-ماددا نەشر قىلغۇچىلار، ئورۇنلىغۇچىلار، ئۈن-سىن فىلىمى ئىشلىگۈچىلەر، رادىيو ئىستانسىسى، تېلېۋىزىيە ئىستانسىسى ھوقۇقىنى يۈرگۈزىدۇ، ئىشلىتىلگەن ئەسەرلەر ۋە ئەسلىي ئەسەر ئىجادىيەتچىلىرىنىڭ ھوقۇقىغا زىيان يەتكۈزسە بولمايدۇ.

28-ماددا كىتاب نەشر قىلىش توختامىدا كىتاب نەشر قىلغۇچىلارنىڭ مەخسۇس نەشر قىلىش ھوقۇقى بارلىقى پۈتۈشۈلگەن، لېكىن كونكرېت مەزمۇنى ئېنىق بولمىسا، كىتاب نەشر قىلغۇچى توختامنىڭ كۈچكە ئىگە مۇددىتى ئىچىدە ۋە توختامدا پۈتۈشكەن رايون دائىرىسىدە ئوخشاش يېزىقتا ئەسلىي نۇسخىسى، تۈزىتىش كىرگۈزۈلگەن نۇسخىسىدا كىتاب نەشر قىلىش خاس ھوقۇقىغا ئىگە، دەپ قارىلىدۇ.

29-ماددا ئەسەر ھوقۇقى ئىگىسى كىتاب نەشر قىلغۇچىغا ئەۋەتكەن ئىككى زاكاز ئالتە ئاي ئىچىدە ئادا قىلىنمىسا، ئەسەر ھوقۇقى قانۇنىنىڭ 32-ماددىسىدا ئېيتىلغان كىتاب ئۆكسۈپ قالدى، دەپ قارىلىدۇ.

30-ماددا ئەسەر ھوقۇقدارلىرىدىن ئەسەر ھوقۇقى قانۇنىنىڭ 33-ماددىسىنىڭ 2-تارمىقىدىكى بايانات بويىچە ئۆزىنىڭ ئەسىرىنى كۆچۈرۈپ بېسىشقا، ئۈزۈندە قىلىشقا يول قويۇلمىغانلىرى گېزىت-ژۇرناللاردا ئېلان قىلىنغاندا قوشۇمچە بايانات ئېلان قىلىشى كېرەك.

31-ماددا ئەسەر ھوقۇقدارى ئەسەر ھوقۇقى قانۇنىنىڭ 40-ماددىسىنىڭ 3-تارمىقىدىكى بايانات بويىچە، ئۆز ئەسىرىگە ئۈن-سىن بۇيۇمى ئىشلەشكە يول قويمىسا، شۇ ئەسەر قانۇنلۇق ھالدا ئۈن-سىن بۇيۇمىغا ئايلاندۇرۇلغاندا بايانات ئېلان قىلىشى كېرەك.

32-ماددا ئەسەر ھوقۇقى قانۇنىنىڭ 23-، 33-ماددىسىنىڭ 2-تارمىقى، 40-ماددىسىنىڭ 3-تارمىقىدىكى بەلگىلىمە بويىچە باشقىلارنىڭ ئەسىرىنى ئىشلىتىشتە، شۇ ئەسەرنى ئىشلەتكەن كۈندىن باشلاپ 2 ئاي ئىچىدە ئاپتورغا ھەق بېرىش كېرەك.

33-ماددا چەت ئەللىكلەر، دۆلەت تەۋەلىكى يوقلارنىڭ جۇڭگو چېگراسى ئىچىدە ئويۇن قويۇشىنى ئەسەر ھوقۇقى قانۇنى قوغدايدۇ.

چەت ئەللىكلەر ۋە دۆلەت تەۋەلىكى يوقلار جۇڭگو قاتناشقان خەلقئارا شەرتنامىلەرگە ئاساسەن ئۇلارنىڭ ئويۇن قويۇش ھوقۇقىنى قوغدايدۇ، ئەسەر ھوقۇقى قانۇنى تەرىپىدىن قوغدىلىدۇ.

34-ماددا چەت ئەللىكلەر ۋە دۆلەت تەۋەلىكى يوقلار جۇڭگو چېگراسى ئىچىدە ياسىغان، تارقاتقان ئۈن-سىن بۇيۇملىرىنى ئەسەر ھوقۇقى قانۇنى قوغدايدۇ.

چەت ئەللىكلەر ۋە دۆلەت تەۋەلىكى يوقلار جۇڭگو قاتناشقان خەلقئارا شەرتنامىلەرگە ئاساسەن ئۇ ياسىغان، تارقاتقان ئۈن-سىن بۇيۇمىنى ياساش ھوقۇقىغا ئىگە، ئەسەر ھوقۇقى قانۇنى تەرىپىدىن قوغدىلىدۇ.

35-ماددا چەت ئەلنىڭ رادىيو ئىستانسىسى، تېلېۋىزىيە ئىستانسىسى جۇڭگو قاتناشقان خەلقئارا شەرتنامىگە ئاساسەن، ئۆزى قويغان رادىيو-تېلېۋىزىيە پىروگراممىسىدا بەھرىمەن بولىدىغان ھوقۇقنى ئەسەر ھوقۇقى قانۇنى قوغدايدۇ.

36-ماددا ئەسەر ھوقۇقى قانۇنىنىڭ 48-ماددىسىدا كۆرسىتىلگەن ھوقۇققا چېقىلىش قىلمىشى بولسا، شۇنىڭ بىلەن بىر ۋاقىتتا ئاممىۋى مەنپەئەتكە زىيان يەتكۈزۈپ، قانۇنسىز تىجارەت سوممىسىنى 50 مىڭ يۈەندىن ئاشۇرغان بولسا، ئەسەر ھوقۇقىنى مەمۇرىي باشقۇرۇش تارمىقى قانۇنسىز تىجارەت سوممىسىنىڭ بىر ھەسسىسىدىن يۇقىرى، بەش ھەسسىسىدىن تۆۋەن جەرىمانە قويسا بولىدۇ؛
قانۇنسىز تىجارەت سوممىسى ياكى قانۇنسىز تىجارەت سوممىسى 50 مىڭ يۈەندىن تۆۋەن بولمىسا، ئەسەر ھوقۇقىنى مەمۇرىي باشقۇرۇش تارمىقى ئەھۋالنىڭ ئېغىر-يېنىكلىكىگە قاراپ، 250 مىڭ يۈەندىن تۆۋەن جەرىمانە قويسا بولىدۇ.

37-ماددا ئەسەر ھوقۇقى قانۇنىنىڭ 48-ماددىسىدا كۆرسىتىلگەن ھوقۇققا چېقىلىش قىلمىشىنى بىر ۋاقىتتا ئىجتىمائىي ئاممىۋى مەنپەئەتكىمۇ زىيان يەتكۈزگەنلەرنى يەرلىك خەلق ھۆكۈمىتىنىڭ ئاپتورلۇق ھوقۇقىنى مەمۇرىي باشقۇرۇش تارمىقى مەسئۇل بولۇپ تەكشۈرۈپ بىر تەرەپ قىلىدۇ.

گوۋۇيۈەننىڭ ئەسەر ھوقۇقىنى مەمۇرىي باشقۇرۇش تارمىقى پۈتۈن مەملىكەتتە زور تەسىرگە ئىگە ھوقۇققا چېقىلىش قىلمىشىنى تەكشۈرۈپ بىر تەرەپ قىلسا بولىدۇ.

38-ماددا بۇ نىزام 2002-يىل 9-ئاينىڭ 15-كۈنىدىن باشلاپ يولغا قويۇلىدۇ.
1991-يىل 5-ئاينىڭ 24-كۈنى گوۋۇيۈەن تەستىقلىغان، 1991-يىل بەش-ئاينىڭ 30-كۈنى دۆلەت نەشر ھوقۇقى ئىدارىسى ئېلان قىلغان «جۇڭخۇا خەلق جۇمھۇرىيىتىنىڭ ئەسەر ھوقۇقى قانۇنىنى يولغا قويۇش نىزامى»بىرلا ۋاقىتتا بىكار قىلىنىدۇ.